සමට ගැලපෙන ක්‍රීම් වර්ගය තොරගන්නෙ කොහොමද ?

මුහුණට ගාන CREAM එකක් තෝරා ගන්නකොට ඔබ ඔබේ සමේ ස්වභාවය දැනගෙන සිටීම ගොඩාක් වැදගත්.

ඔබ ඔබේ සම ගැන නිවැරදි අවබෝධයක් නැතිව, මිතුරන් හෝ වෙළඳ දැන්වීම් හරහා දැනුවත් වූ පමණින් මිල අධික රූපලාවන්‍ය නිෂ්පාදන මිලදී ගන්නවා නම් ඒ තේරුමක් නැති මුදල් නාස්තියක් විතරයි. ඒ නිසා හැමදේටම කලින් අපි අපේ සමේ ස්වභාවය හඳුනා ගමු.

ඔබේ සම ගැන හෙළි කරන පුංචි ටෙස්ට් එකක්

01. ෆේස් වොෂ් සහ වතුර භාවිතා කරලා මුහුණ පිරිසිඳු කරන විට ඔබේ සමට දැනෙන්නේ කොහොමද?

A. තද ස්වභාවයක්
B. මෙලෙක් ස්වභාවයක් සහ පහසුවක්
C. වේලුනු ස්වාභාවයක් සහ සමහර තැන් වල කසන ස්වභාවයක්
D. ඉතා පහසු ස්වභාවයක්
E. මුහුණේ සමහර ස්ථාන වල වේලුනු ස්වභාවයක් සහ සමහර ස්ථාන වල පහසු ස්වභාවයක්

02. Cream Cleanser එකක් භාවිතා කළ පසු ඔබේ සමට දැනෙන්නේ කොහොමද?

A. සාපේක්ෂව පහසු බවක්
B. මෙලෙක් ස්වභාවයක් සහ පහසුවක්
C. සමහර වෙලාවට පහසුවක්, සමහර වෙලාවට කසන ස්වභාවයක්
D. තෙල් ගතිය පහ වි යාමක්
E. සමහර තැන් වල මෙලෙක් ගතියක් සහ සමහර තැන් වල තෙල් ස්වභාවයක්

03. දවසේ මැද ඔබේ සමේ පෙනුම කොයි වගේද?

A. පොතු යන ස්වභාවයක් පෙන්නුම් කරයි
B. නැවුම් සහ පිරිසිඳු පෙනුමක්
C. පොතු ගැලවෙන ස්වභාවයක් සහ රත් පැහැ ගැන්වුණු පෙනුමක්
D. දිළිසෙන පෙනුමක්
E. T- zone කලාපය ඇතුලත දිළිසෙන පෙනුමක්.

04. කුරුලෑ හටගන්නේ කොපමණ කාලයකට වතාවක්ද?

A. නැති තරම්
B. ඇතැම් විට, සමහර විට ඔබේ ඔසප් කාල සීමාවට පෙර
C. ඇතැම් විට
D. නිතර
E. නිතර, නමුත් T- zone කලාපය ඇතුලත

05. ඔබ ටෝනර් එකක් භාවිතා කළ විට ඔබේ සම එයට ප්‍රතිචාර දක්වන්නේ කෙසේද?

A. වේදනාවක් දැනෙනවා
B. ගැටළුවක් නැහැ
C. වේදනාවක් දැනෙන අතර කැසීමට පටන් ගන්නවා
D. නැවුම් ස්වභාවයක් දැනෙනවා
E. මුහුණේ සමහර ස්ථාන වලට පහසුවක් දැනෙන අතර සමහර ස්ථාන වල වේදනාවක් දැනෙනවා.

06. රාත්‍රී ආලේපනයක් භාවිතා කළ විට ඔබේ සම ප්‍රතිචාර දක්වන්නේ කෙසේද?

A. ඉතා පහසුවක් දැනෙනවා
B. පහසුවක් දැනෙනවා
C. සමහර වෙලාවට පහසුවක් දැනුනත්, සමහර වෙලාවට කසන සුළු ස්වභාවයක් දැනෙනවා.
D. සමේ අධික තෙල් ප්‍රමාණයක් ඇති බවක් දැනෙනවා
E. කම්මුල් වලට පහසුවක් දැනුනත්, T- zone කලාපයේ තෙල් සහිත බවක් දැනෙනවා.

දැන් ඔබ ලබා දී ඇති පිළිතුරු වල ඇති A, B, C, D හා E ගණන වෙන වෙනම ගණන් කරන්න.

ඔබ ලබා දී ඇති පිළිතුරු අතර,

වැඩි ප්‍රමාණයක් ඇත්තේ A නම් – ඔබේ සම වියළි සමකි
වැඩි ප්‍රමාණයක් ඇත්තේ B නම් – ඔබේ සම සාමාන්‍ය සමකි
වැඩි ප්‍රමාණයක් ඇත්තේ C නම් – ඔබේ සම සංවේදී සමකි
වැඩි ප්‍රමාණයක් ඇත්තේ D නම් – ඔබේ සම තෙල් සහිත සමකි
වැඩි ප්‍රමාණයක් ඇත්තේ E නම් – ඔබේ සම සංකලනය වූ සමකි

දැන් ඔබ දන්නවා ඔබේ සම කොයි වගේ සමක්ද කියලා. ඒ නිසා, මින් පසුව අතට අහුවෙන හැම රූපලාවන්‍ය නිෂ්පාදනයක්ම මිලදී ගන්නේ නැතුව ඔබේ සමට ගැලපෙන නිෂ්පාදනයක් තෝරාගෙන මිලදී ගැනීමට ඔබට පුළුවන්.

ඔබට මේ ලිපිය උපකාරී වුනා නම් තවත් පිරිසකගේ දැනුවත් බවට අවැසි නිසාම දැන්ම Share කර ඔබේ යුතුකම ඉටු කරන්න. ඔබට ලස්සන දවසක්!

උපුටා ගැනීම – www.beautysaloon.lk